Benvid@ ao formulario de inscrición de novos membros do CMI de Galiza.

O proceso de integración de novos membros na rede Indymedia busca asegurarse de que os colectivos locais sexan capaces de manter a súa autonomía ao tempo que tod@s nós asumimos as referéncias que manteñen a nosa unidade. É necesario que todas as persoas que desexen participar en Indymedia coñezan e concorden previamente cos nosos principios e modo de funcionamento. Ao mesmo tempo é necesaria unha pequena presentación para coñecernos tod@s na lista.

Esa é a función deste formulario. Unha vez cuberto, a túa solicitude chegará ás listas de distribución de correo do CMI Galiza. Con base ao seu contido pode ser necesaria unha posta en común contigo, polo que é necesario que indiques correctamente o teu enderezo de correo. Se todo vai ben, serás invitado a inscribirte na lista pública do CMI Galiza.

Introducción á rede Indymedia

A fortaleza da rede Indymedia provén directamente da súa estructura organizativa; nomeadamente unha rede descentralizada de colectivos autónomos cuxos recursos compartidos permiten a creación dunha infraestrutura social e dixital independente de estados e poderes económicos. Hai dúas clases de colectivos autónomos na rede Indymedia: os grupos de traballo global e os CMI locais.

CMI significa Centro de Media Independente -Independent Media Center (IMC)-. Os CMI son medios de comunicación que realizan unha acción directa informativa baseada nas contribucións de persoas que se tornan elas mesmas xornalistas independentes. Cada CMI pon a disposición unha ferramenta coa que cada xornalista independente pode publicar de forma anónima noticias e documentos multimedia, ademais de exercer un labor crítico achegando comentarios aos artigos que son publicados. Esta é a forma chave de participación na rede Indymedia e non deberías encher este formulario se non tes experimentado con ela ou non coñeces o seu funcionamento.

A nosa intención como movemento de comunicación é construír esa estrutura de xeito que, dunha parte, teñamos CMI locais autónomos distribuídos por todo o planeta e doutra parte permanezamos unidos nunha organización reticular que permita a colaboración en níveis normalmente reservados aos intereses estatais e corporativos. A extensión da rede é efectiva como alternativa a sistemas que abusan do seu poder e está directamente vencellada coa nosa capacidade para crear estruturas descentralizadas. Xustamente, é a nosa capacidade para sermos flexíbeis ao tempo que permanecemos unidos a que demostrou a súa eficacia.

Concordancia cos principios e criterios da rede

Concordancia coa política editorial do CMI Galiza

Presentación de introducción na lista

Áreas nas que te interesa traballar

Traduccións (especifica:)
Correspondente (texto)
Correspondente (audio)
Correspondente (vídeo) 
Edición e moderación 
Técnico (*unix) 
Grafista (Cabeceira e CSS)
Legal 
Finanzas 
Outros (especifica:)