4.1 - Filiação de novos nodos ao CMI Portugaliza

4.1.1. - A fortaleza da rede Indymedia provem directamente da súa estructura organizativa; nomeadamente umha rede descentralizada de colectivos autónomos cujos recursos compartidos permitem a creação dumha infraestrutura social e digital independente de estados e poderes económicos. A nossa intenção como movemento de comunicação é construir esa estructura de jeito que, dumha parte, tenhamos CMI locais autónomos distribuídos por todo o planeta e doutra parte permanezamos unidos nunha organização reticular que permita a colaboração em níveis previamente reservados aos intereses estatais e corporativos. A extensão da rede é efectiva como alternativa a sistemas que abusam do seu poder e está directamente vencelhada coa nosa capacidade para crear estruturas descentralizadas. É a nosa capacidade para sermos flexibeis ao tempo que permanecemos unidos de forma simultánea a que demostrou a súa eficacia.s proven effective.

4.1.2. - O proceso de integração de novos CMI na rede Indymedia busca asegurarse de que os novos colectivos serão capaces de manter a súa autonomía ao tempo que asume as referencias que mantenhem a nosa unidade. Este é um proceso cambiante, que nestes momentos implica:

• Enviar o formulário de Novos CMI
• Dar de alta umha lista onde tenham lugar os procesos decisionais

do colectivo

• Concordar a través da lista umha Declaração de Princípios
• Concordar a través da lista umha Política Editorial
• Concordar ponto por ponto cos Critérios de Filiação á rede e cos

Princípios de Unidade

• Ponher em andamento o sitio web

As solicitudes de filiação á rede são procesadas na lista new-imc e validadas na lista imc-process por pessoal voluntario que se encarga de constatar a concordáncia do colectivo cos Critérios de Filiação e as demais referéncias e protocolos comúns de trabalho.

4.1.3. - O CMI Portugaliza é umha alianza de nodos galegos e portugueses sustentada nos fortes laços comuns, históricos, culturais e na súa unidade linguística así como no compromiso cos documentos fundacionais que surgirom do trabalho conjunto e que são a melhor das mostras do vencelho comúm.

4.1.4. - A filiação de novos nodos é solicitada á lista de distribução de correo do CMI Portugaliza numha mensagem mostrando a concordáncia geral cos documentos fundacionais do CMI, cos Princípios de Unidade da rede CMI así como a concordáncia ponto por ponto cos Critérios de Filiação á rede. A validação de novos nodos poderá ser feita na mesma lista ou bem alargada á lista imc-process de surgir dúbidas sobre a súa autonomía ou calquera outro aspecto que fora posto em cuestião.

4.1.5.- Os distintos nodos e as personas que os integram são plenamente autónomos em todos os aspectos da súa estructura e do seu funcionamento desde que mantenham o seu compromiso cos documentos fundacionais e cos principios e protocolos de uso comúm na rede Indymedia.

-- StrafWetBoek - 05 Jun 2004
to top